Jesuh tho beki
1 Ngpum mhnüp khawa nghmüp ham üng, Marih Makdalin cun lungdüa cit lü ng’utnak ami khaihnak lungnu a na ngpyawtei se a hmuh.
6 Sihmon Pita naw pi hnua pha law lü, ng’utnak k’uma a luh üng hlawpnak jih ja, 7 a lu ami hlawpnak kpyawn cun a hmuh. A pum hlawpnaka jihea hlawnga am ve lü, a pum hlawpnak cun amät ngtawmei hnga se a hmuh.
11 Marih cun lungdüa peia kyap lü ngdüiki; a kyah sawa ngmüm lü ng’utnaka k’um cun a juk teng;
14 Acukba a pyen päng ja, a hnu da nghlat lü Jesuh ngdüi se a hmuh. Acunsepi Jesuh hman tia am ksing. 15 Jesuh naw, "Nghnumi aw, ise na kyapki ni? U na suiki ni?" a ti.
Marih naw ngvawng mtäta ngai lü, "Nang naw ani ahin üngkhyüh na cehpüi a ni üng na taknak na mtheha. Cit lü ka lak be vaia" a ti.
16 Jesuh naw, "Marih" a ti.
Marih naw nghlat lü Hebru läk am, "Raboni" a ti; (Acun cun Saja aw, tinaka kyaki.)
18 Acunüng Marih Makdalin cun axüisaw hea veia cit lü, Bawipa a hmuh ja ngthu a mthehea mawng pi a jah mtheh.
Axüisawea veia Jesuh ngdangki
(Mt 28:16-20; Mk 16:14-18; Lk 24:36-49)