Kyäp säih vai Ngcuhki he
24 22:24: Mt 18:1; Mk 9:34; Lk 9:46 Axüisaw he amimät, u ni akyäp säih tia ngcuh u se, 25 22:25-26: Mt 20:25-27; Mk 10:42-44Jesuh naw, "Am jumeiki hea sangpuxang he cun khyang hea khana aktäa bawi khawiki he, khaw uki he naw ‘Khyang hea püi he’ tia ami jah khü jawngnaki he. 26 22:26: Mt 23:11; Mk 9:35"Cunsepi, nangmi ta acunkba ä awm u, nangmi üng kyäp säihki cen jaw säihkia kba, mkhawng säiki cen m’yaa kba ve se. 27 22:27: Jn 13:12-15"U ni a kyäp säih? Ngaw lü buh eiki japaw a kyäp säih? Buh khünki aw a kyäp säih? Ngaw lü buh eikia am kya aih se? Cunsepi, kei ta nami veia ning jah khüihkia kba ka awmki.