Baptican Johana Ngthu Pyen
1 Ketah sangpuxang Tiberiha a bawi k’um, akum xaleimhma üng, Pontas Pilat cun Judah khaw ukia kyaki. Herod cun Kalile bawia kya lü, a na Philip cun Ituhrih la Tarakonik khawa bawi lü, Abilin khawa Luhtari cun bawia kyaki, 2 Acunüng, Anna la Kaiphah ktaiyü ngvaia ani kya k’um üng, khawkhyawng khawa Pamhnama ngthu, Zakhariha capa Johana veia pha lawki. 3 Acunüng, Johan cun Jordan tuinu kama, khaw avan üng cit hü lü, "Pamhnam naw nami katnak aning jah mhlätnak vaia, ngjut u lü baptican khan ua"
4 3:4-6: Hesa 40:3-5 (LXX) Sahma Hesajah naw, "Khawkhyawng khawa ngpyang hüki mata ngthu cun,
‘Bawipa lam pyang ua,
a lam he jah ngdüngsak ua.
5 Nghawi naküt jah kbe ua.
Mcung naküt pi jah ngmisak u lü, lam ngkhep he pi jah ngdüngsak ua,
6 khyang avan naw Pamhnama küikyanak hmu khai he’ tia, a ng’yuka kba," a ti.
7 3:7: Mt 12:34; 23:33 Acunüng, khyang he baptican khan khai hea Johana veia lawki he üng, "Kphyuksea mjü he aw! Mhnama mlungsonak pha law khai üng nami lät khaia u naw aning jah mtheh ni? 8 3:8 Jn 3:33Acunakyase nami ngjutnak cun nami bilawh üng mdan ua. ‘Kami pu Abraham ni’ ä ti ua. Ka tiki ni, Pamhnam naw hina lung üngka Abrahama ca hea jah mcawm theiki ni. 9 3:9:Mt 7:19"Thingphung avan üng xei msäna kyaki. Akdawa am ngtheihkia thing avan cun ksawm pit u lü mei üng tawna kya khai," a ti.
10 Acunüng khyang he naw, "Ini kami pawh kawm?" tia ami kthäh.
11 Johan naw jah msang lü, "Upi kcu nghngih taki naw am taki üng mat pe se; upi ei vai taki naw am taki üng pe se," a ti.
12 3:12: Lk 7:29 Ngcawn klawk he pi a veia baptican khan khaia law u lü, "Saja aw, ini kami pawh kawm?" tia ami kthäh.
13 Johan naw, "Ami ning jah kthähsaka däm bawki ä kthäh ti ua," a ti.
14 Acukba yekap he naw pi, "Ini kami pawh kawm?" tia ami kthäh. Acunüng Johan naw, "Ua ngui pi ä yutei ua, amdanga khyang i ä kpuk sawxat ua, nami ngkhengnak khäksak ua," a ti.
15 Acunüng, khyang he naw ngak’uhei u lü, khyang avan naw Johan cun ami mlung k’uma, "Mesijaha am kyaki aw?" tia ami ngaihkyu k’um üng, 16 Johan naw, jah msang lü, "Kei naw tui üng baptican ka ning jah khansak khawiki; cunsepi keiha kyäp bawki law khai, a khawdawk yüi kphyan pe khaia pi am ngkawi nawng; ani naw Ngmüimkhya Ngcim la mei am baptican ning jah khan lawsak khai, 17 Angsi a jahnak vaia a kut üng kphya kpawmki; angtak kheia ta lü angsi cun am thi theihkia mei üng mkhih khai," a ti.
18 Acunüng ami ngneiksak ami thuhlaih vaia jah mcäi lü, thangkdaw pi jah mthehki.