Jesuha Hlawhlep Kameinak
1 Jesuh Ngmüimkhya Ngcim am beki, Jordan tuinu üngka naw a nghlat law be üng Ngmüimkhya naw khawkhyawng khawa cehpüi se, 2 mhmüp kphyükip khawyai naw a hlawhlep. Acunüng ipi am ei se, anghnua a ei cawi lawki.
3 Khawyai naw, "Nang Mhnama capa na kyak üng, hina lung muka ngthawn law khaia ngthu pea," a ti.
4 4:4: Deut 8:3 Acunsepi Jesuh naw msang lü, "Khyang cun ei däng üng am xüng, tia cangcim üng ng’yuki," a ti.
5 Acunüng khawyai naw Jesuh khawmcung a hlüngnaka kaipüiki naw khawmdeka khana khawe avan mik mkhyüp üng jah mhmuh lü,
6 "Hin he avan ka veia peta kyaki, upi ka ngaih üng ka peki, hina ana avan la a kyäpsawknak avan ka ning pe khai, 7 acunakyase na sawhkhah lü, avan na kaa kya khai," a ti.
8 4:8: Deut 6:13 Jesuh naw a veia, "Cangcim üng, ‘Na Bawipa Pamhnam sawhkhah lü, ani däng na khüih vai,’ tia ng’yuki,’" a ti.
9 Acunüng khawyai naw Jerusalema cehpüiki naw, Temple khan, amsumnaka ta lü, "Mhnama capa na kyak üng hin üngka naw mcea namät kcoa, 10 4:10:Sal 91:11‘Ani naw khankhawngsä he ning na k’äih u lü, ning na mcei khai hea jah mcawn khai, 11 na khaw am lung am na su khaia, ami kut am ning na mcei khai he’ tia, ng’yüki," a ti.
12 4:12: Deut 6:16 Cunsepi Jesuh naw, "Na Bawipa, Pamhnam ä na mhnütei vai,’ tia kyaki ni," ti lü a msang.
13 Acunüng khawyai naw a hlawhlepnak vai avan am a hlawhlep käna asäng a ceh tak ma.
Kalilea Jesuh Khutbi Cuteiki
(Mt 4:12-17; Mk 1:14-15)