43 Acukba ana ngthuhei k’um üng xaleinghngih üngka mat Judah pha lawki. Ani mah maha likcim la kpaihmäng kpawmkia khyang khawjah; ktaiyü ktung he, thum jah mtheiki he la axüngvai hea ami jah tüi law pha lawki he.
53 Acunüng Jesuh ktaiyü ngvai säiha ima ami cehpüi. Acuia ktaiyü ktung he, axüngvai he la thum jah mtheiki he ami van ngcunki he. 55 Ktaiyü ktung he la kawngci he naw Jesuh ami mkhyühnak vaia ami kpuknak vai suiki he, cunsepi i pi am hmu u.
61 Cunsepi Jesuh am khihkheh lü i pi am pyen. Acunüng ktaiyü ktung säih naw, "Nang Mesijah, Mhnama Capaa na kyaki aw?" a ti.
62 14:62 Dan 7:13 Jesuh naw, "Ä, khyanga Capa hlüngtaiki Mhnama kpat da ngaw lü, khankhawa khawngmei üng law se nami van naw nami hmu law khai," a ti.
63 Ktaiyü ktung säih naw a suisak he jah ktek lü, "Ia saksi am hlü be ve! 64 14:64 Lev 24:16Pamhnam a pyenksenak nami ngjak, ihawkba ni nami ngaih?" ti se.
Ami van naw thi khaia ngkawih ve ami ti.
65 Avang naw ami mci am msawh u lü, avang naw a mik hlawp u lü pung u lü, "U naw ning pungki ni?" ami ti. Ngängki he naw ami kut am ami kbeih.
Pita naw Jesuh a Manak
(Mt 26:69-75; Lk 22:56-62; Jn 18:15-18,25-27)