Mateus 17

Khawyaia venak kpamica a mdaw be

14 Khyang hea veia ami nghlat law be üng, khyang mat Jesuha veia law lü ngdängki naw, 15 "Bawipa aw, ka capa mpyeneia! Kphyaw se aläa tui üng ngcum lü am ani üng mei üng lut lü khuikha ve." 16 "Acunakyase, na xüisawea veia ka lawpüi kyaw amimi naw pi am mdaw be khawh ve u," a ti.

17 Jesuh naw, "Jumeinak am takia khyang ksee aw, ivei nami veia ka ve khai ni? Ivei ka ning jah msawkei vai ni? Kpamica ka veia lawpüi ua," a ti. 18 Jesuh naw khawyai jüi se kpamica üngka naw lut law beki. Acunja kpamica cun daw beki.