Mateus 8

Jesuh naw Khawkhi a Ngdümsak

23 Jesuh mlawnga khana a kai üng, axüisaw he ahlawnga cit hngakie. 24 Tuilia khawkhi ksenu khi law lü, mlawng tui üng lut law hlüki. Acunüngpi Jesuh ta ipeiki. 25 Axüisawe a vei law u lü, "Bawipa aw, ngcum law hlü ve u üng jah yung lawa," ti lü, ami mhlet.

26 Jesuh naw, "Aw, jumeinak ngcekia khyang he aw, ivaia nami kyükyawkie ni?" a ti. Acunkäna tho law lü khawkhi ja tuingnawk cun hüp khai xawia jah mtheh se, dipki xawi.

27 "Khawkhi ja tuingnawk naw pi a pyen ngjaki xawi ta ia khyang ni? ti lü avan müncan tawngkie.