16 जब हम्रे प्रभुभोजमे खोरियामेसे अंगुरके रस पीठी, और ओकर लग हम्रे परमेश्वरहे धन्यवाद देथी, तब हम्रे जात्तिकमे ख्रीष्टके खुनहे बँत्थी। और जब हम्रे रोटी खन्टैथी और यिहिहे खैथी, तब हम्रे जात्तिकमे ख्रीष्टके शरीरहे बँत्थी। 17 एकथो रोटी यी बातके संकेत हो कि हम्रे बहुत्ते जाने ख्रीष्टमे एक्केथो शरीर हुइती। काकरेकी हम्रे सक्कु जाने एक्केथो रोटीमेसे खैथी।
18 इजरायल देशके मनैनके बारेमे सोँचो: जब सक्कु मनै परमेश्वरमे चह्राइल खाना खैथाँ ते परमेश्वरके आराधनामे शामिल हुइथाँ। ठिक ओस्तेहेँके जोन मनै मूर्तिनहे चह्राइल खाना खैथाँ, ओइने फेन उ मूर्तिनके पुजामे शामिल हुइथाँ।