23 जोन शिक्षा मै प्रभु येशूक थेनसे भेटैनु, वहे शिक्षा मै तुहुरिन्हे देनु। अथवा जोन रात प्रभु येशू पकरवा पैलाँ। वहे रात प्रभु येशू रोटी लेलाँ। 24 और धन्यवाद देके सेकके येशू उ रोटीहे खन्टैलाँ। और कलाँ, "यी तुहुरिन्के लग मोरिक शरीर हो। मोरिक सम्झनामे असिके करहो।"
25 तब् खाके सेकके येशू खोरिया उठाके असिके कलाँ, "तुहुरे सक्कु जाने यम्नेहेँसे पिओ, यी खोरिया मोरिक खुनमे रलक लावा करार हो। जब-जब तुहुरे यी पिबो, महिन्हे सम्झक लग असिके कर्ती रहहो। 26 काकरेकी जब-जब तुहुरे यी रोटी खैबो, और यी खोरियामेसे अंगुरके रस पिबो, हुँकार नै आइतसम तुहुरे प्रभुक मृत्युक घोषणा करथो।