1 हे मोरिक विश्वासी भैयो, मै तुहुरिन्के थेन ना ते बातके चलाँखी प्रयोग करे अइनु, और ना ते मै धेउर जन्नाहाँ बतुँ कहिके देखाई अइनु। पर मै ते तुहुरिन्के थेन परमेश्वरके बारेम सन्देश देहे आइल रहुँ। 2 काकरेकी मै येशू ख्रीष्ट और क्रूसमे हुँकार मुलक बारेमे किल बोलम कहिके मै अपन मनमे पक्का करलेले रहुँ।
3 और तुहुरिन्के थेन अइनु ते मै कमजोर रहुँ, और डरकमारे थरथरैती बैठ्नु। 4 और मोरिक शिक्षा और मोरिक प्रचार मनैनके ज्ञानके चलाँख बोलीसे नै रहे। पर पवित्र आत्मा तुहुरिन्हे एकथो शक्तिशाली तरिकासे देखैलाँ कि जोन सन्देश मै तुहुरिन्हे बतैनु, उ सन्देश सच्चा रहे। 5 ताकि तुहुरिन्के विश्वास मनैनके बुद्धिमे नै होके परमेश्वरके शक्तिमे भर परे।