शरीर और आत्मामे परमेश्वरके महिमा
12 केऊ कहे सेकत, कि "मै ज्या चहथुँ उहिहे करना अनुमति महिन्हे बा, काकरेकी मै विश्वासी हुइतुँ।" पर सक्कु बात तुहुरिन्के फाइदा नै करत। मै फेन कहे सेक्थुँ, कि "मै ज्या चहथुँ उहिहे करना अनुमति महिन्हे बा, काकरेकी मै विश्वासी हुइतुँ।" पर मै कौनो चिजके गुलाम बने नै चहथुँ। 13 और केऊ कहे सेकत, कि "खाना हमार शरीरके लग हो, और शरीर खानक लग हो।" असिक कना ठिके हो, पर जब हम्रे परमेश्वरके संग स्वर्गमे रबी, तब परमेश्वर हमार शरीर और हमार खाना दुनु चिजहे नाश करदिहीँ। शरीर व्यभिचारके लग नै हो, पर हमार शरीर प्रभुक हुइँत, और हुँकार सेवा करक लग बनल बताँ।