१ कोरिन्थी 7:29-31

29 हे मोरिक विश्वासी भैयो, मै तुहुरिन्हे कहतुँ, कि ख्रीष्टके फिर्ता अइना समय धेउर नै रहिगिल हो। तबेकमारे तुहुरिन्के जन्नी बा या नै हो कना विषयमे धेउर चिन्ता ना करो। पर प्रभुक सेवा करना बारेमे सोँच्ती रहो। 30 जोन मनै रुइथाँ, या जोन मनै खुशी बताँ, या जोन मनै अपन लग कुछु चिज किन्थाँ, ओइने यी सक्कु चिजके बारेमे धेउर चिन्ता ना करिँत। काकरेकी यी सक्कु बातके कारण तुहुरे प्रभुक सेवा करना बिस्राजिबो। 31 और यी संसारमे ज्या चिज फेन हमार थेन बा, हम्रे उ चिजहे बहुत महत्त्वपूर्ण नै माने परना हो। काकरेकी यी संसारमे रहल सक्कु चिज नाश होजिहीँ।