१ कोरिन्थी 7

32 तुहुरे सक्कु जाने संसारिक अभिलाषासे मुक्त रहो कना मै चहथुँ। भोज नै हुइल मनैया जबफेन प्रभुक सेवा करना और प्रभुहे खुशी बनैना बारेमे सोँच्ती रहत। 33 पर भोज हुइल मनैया अपन जन्नीहे कसिके खुशी धारुँ कहिके संसारके बातमे चिन्ता करत। 34 भोज करल मनैनके मन दुनु ओहोँर लागल रथिन। भोज नै हुइल जन्नी मनै शरीर और आत्मा दुनुमे कसिके पवित्र रहुँ कहिके प्रभुक कामके बारेमे चिन्ता करथाँ। पर भोज करल जन्नी मनै भर अपन थरवाहे कसिके खुशी धारुँ कहिके संसारके बातमे चिन्ता करथाँ। 35 यी बात तुहुरिन्के उप्पर प्रतिबन्ध लगाइक लग नै हो। पर तुहुरिन्के भलाइएके लग कहतुँ, ताकि तुहुरे एक मन होके प्रभुक ओहोँर भक्तिसे ठिक तरिकासे जीवनयापन करे सेको।