१ यूहन्ना 2

चिट्ठी लिख्नक कारण

12 मोरिक प्रिय लरको, मै तुहुरिन्हे लिखतुँ, कि येशू ख्रीष्टके नाउँसे तुहुरिन्के पाप माफ होगिल बा। 13 हे बाबन, मै तुहुरिन्हे यी कारणसे लिखतुँ, कि जे सुरुएसे बताँ, तुहुरे हुँकिन्हे चिहिन्थो। हे जवानो, मै तुहुरिन्हे यी कारणसे लिखतुँ, काकरेकी तुहुरे उ शैतानहे जितल बतो। हे मोरिक प्रिय लरको, मै तुहुरिन्हे यी कारणसे लिख्नु, कि तुहुरे परमेश्वर बाबाहे चिहिन्सेकल बतो। 14 हे बाबन, मै तुहुरिन्हे यी कारणसे लिख्नु, कि जे सुरुएसे बताँ, हुँकिन्हे तुहुरे चिहिन्सेकल बतो। हे जवानो, मै तुहुरिन्हे यी कारणसे लिख्नु। काकरेकी तुहुरे बल्गर बतो, और परमेश्वरके वचन तुहुरिन्केमे पलिरहत, और तुहुरे उ शैतानहे जितल बतो।

संसारहे प्रेम नै करना

15 तुहुरे संसारहे और संसारमे रहल कौनो फेन चिजहे प्रेम ना करो। यदि कौनो मनैया संसारहे प्रेम करत कलेसे परमेश्वर बाबक प्रेम ओकरमे नै हो।