पवित्र होऊ
13 तबेकमारे तुहुरे का करतो कहिके मजासे सोँचो, और अपनहे नियन्त्रण करो। मुक्ति भेटैना आशा करो, जोन मुक्ति अनुग्रहसे आइत, जोन मुक्ति तुहुरिन्हे येशू ख्रीष्ट यी संसारमे फिर्ता अइलक दिनमे देजाई। 14 अपन दाईबाबक आज्ञा पालन करुइया मजा लर्कनके हस तुहुरे फेन परमेश्वरके आज्ञा पालन करो। तुहुरे परमेश्वरके सच्चाई नै जानल समयमे अपन इच्छा अनुसार कर्ती रहल खराब काम आब तुहुरे ना करो। 15 पर आब तुहुरे अपन करना हरेक बातमे पवित्र हुई परत, जसिके परमेश्वर पवित्र बताँ, जे तुहुरिन्हे अपन लरका बनाइक लग चुन्लाँ।
16 काकरेकी पवित्र शास्त्रमे असिके लिखल बा, "तुहुरे पवित्र हुई परत, काकरेकी मै पवित्र बतुँ।"