9दोसुर जहनहे देखावती प्रेम नै करे परत; खराब बातहे घृणा करो; और ज्या मजा बा उहिहे कर्ती रहो।

10अपने परिवार हस एकदोसर जहनहे प्रेम करो। एकदोसर जहनहे अपनसे धेउर सम्मान करो।

15आनन्द करुइयनके संग आनन्द करो। और रोउइयनके संग रोऊ।

8जे दोसुर जहनहे प्रेम नै करत, ऊ परमेश्वरहे नै चिन्हत। काकरेकी परमेश्वर प्रेम हुइताँ।

11हे मोरिक प्रिय संघरियन, परमेश्वर हम्रिहिन्हे असिके गजब प्रेम करलाँ। तबेकमारे हम्रे फेन एकदोसर जहनहे प्रेम करे परत।

18प्रेममे डर नै रहत, पर सिद्ध प्रेम डरहे हटादेहत। काकरेकी डरके सम्बन्ध ते दण्डसे रहत और जे डराइत प्रेममे ऊ सिद्ध नै हुइल रहत।

11जोन सन्देश तुहुरे सुरुएसे सुन्लो, उ सन्देश यहे हो कि हम्रे एकदोसुर जहनहे प्रेम करी।

14हम्रे जन्थी कि हम्रे मृत्युक शक्तिसे मुक्त होगिल बती, और आब हमार थेन सदाकालके जीवन बा; काकरेकी हम्रे अपन दादू-भैयाहे प्रेम कर्थी। जे प्रेम नै करत, ऊ मृत्युमे पलिरहत।

18हे प्रिय लरको, हम्रे एकदोसर जहनहे प्रेम कर्थी कहिके बात किल नै बत्वाई। पर अपन कामसे और सच्चाइसे फेन प्रेम करी।

5प्रेम करुइया मनै दोसुर जहनहे अनादर नै करथाँ। ओइने स्वार्थी नै रथाँ, ओइने झत्ते नै रिसैथाँ, और ओइन्के विरोधमे कलक खराब बात ओइने महा सहजसे बिस्राजिथाँ।

8अगमवाणी और अन्य भाषा और विशेष ज्ञानमे बोल्ना क्षमता बिनाकामक होजाई। पर प्रेम सदादिन पलिरही।

13तबेकमारे आब हम्रिहिन्हे यी तीन मेरिक काम करे परना बा: परमेश्वरकेमे विश्वास करना, परमेश्वरके वाचामे आशा करना, और दोसुर जहनहे प्रेम करना। पर यी तीनथोमेसे एकथो सक्कुहुनसे भारी बा: उ हो, दोसुर जहनहे प्रेम करना।