5ओस्तेहेँके हम्रे फेन जे-जे ख्रीष्टके विश्वासी हुइती। हम्रे सक्कु जाने ख्रीष्टके शरीरके अङ्ग हुइती। और हम्रे सक्कु जाने एकदोसर जहनसे जुरल बती।

10अपने परिवार हस एकदोसर जहनहे प्रेम करो। एकदोसर जहनहे अपनसे धेउर सम्मान करो।

15आनन्द करुइयनके संग आनन्द करो। और रोउइयनके संग रोऊ।

3काकरेकी पवित्र शास्त्रमे असिके लिखल बा, "अब्राहाम परमेश्वरके कर्लक वाचामे विश्वास करल, और परमेश्वर उहिहे धर्मी ठहरैलिस।"

5पर जे परमेश्वरके दया भेटाइक लग काम नै करत। पर पापी मनैनहे धर्मी ठहरुइया परमेश्वरमे भरोसा करत। ओसिन मनै ओइन्के विश्वासके कारण ओइने धर्मी ठहरथाँ।

24पर हमार लग फेन हो। हम्रे जे-जे परमेश्वरहे विश्वास करब, उ सक्कुहुनहे परमेश्वर धर्मी ठहरैहीँ। अथवा यदि हम्रे परमेश्वरहे विश्वास करब, जे हमार प्रभु येशूहे मुवलमेसे फेनदोस्रे जिवैलाँ। कलेसे हमार विश्वासके कारण परमेश्वर हम्रिहिन्हे फेन धर्मी ठहरैहीँ।

1तबेकमारे हम्रिहिन्हे बिँसैना ठाउँ देहम कहिके परमेश्वरके कर्लक वाचा अभिन फेन पलि बा। तबेकमारे चौँकस रहो, नै ते हमारमेसे केऊ फेन हुँकार वाचा कर्लक बिँसैना ठाउँमे पैँठे नै भेटाई।

9परमेश्वरके मनैनके लग अभिन फेन असिन ठाउँ बा, जहाँ ओइने पूरा रुपमे बिँसाई सेक्थाँ। परमेश्वर सतौँ दिनमे बिँसाई हस ओइने बिसैहीँ।

13परमेश्वरके नजरमे कौनो मनै नै नुकल हुइँत। और हुँकिनेहे हम्रे अपन जीवनभर कर्लक सक्कु कामके लेखा देहे परी। हुँकार आघे सक्कु चिज फरछ्वार और खुल्ला बा।

2मै बहुत्ते मनैनके आघे ख्रीष्टके बारेमे सन्देश सिखैथुँ कहिके तुँ बहुत्तेचो सुनल बतो। तबेकमारे जेनकेमे तुँ भरोसा करे सेक्थो, और जेने दोसुर जहनहे फेन यी सन्देशहे सिखाइक लग योग्य बताँ, वहे विश्वासीनहे तुँ सही सन्देश सिखाऊ कना मै चहथुँ।

10तबेकमारे परमेश्वरके चुनगिलक मनैनके फाइदक लग मै सारा दुःख सहथुँ, ताकि ओइने फेन येशू ख्रीष्टमे विश्वास करिँत, और बँचाजाई सेकिँत। और उ महिमाहे भेटाइँत, जोन महिमा हरदम पलिरहत।

13यदि हम्रे ख्रीष्टकेमे बफादार नै हुइती कलेसे फेन ऊ हमारमे बफादार रहिहीँ।काकरेकी ऊ ज्या बोल्थाँ, वहे करहीँ।

5काकरेकी यदि मै तुहुरिन्से दूर बतुँ कलेसे फेन मै तुहुरिन्के बारेमे सोँच्ती रथुँ। और मै यी देख्के गजब खुशी बतुँ कि तुहुरे कतरा नियममे रथो, और ख्रीष्टमे तुहुरिन्के विश्वास कतरा बल्गर बा।

7ख्रीष्टमे तुहुरिन्के विश्वास एकथो रुख्वक हस हुई परत, जेकर जर बहुत गहिँरसम रहत। या ते फेन एकथो असिन घरक हस होए, जोन एकथो बल्गर जगमे बनागिल रहत। अपन विश्वासमे बल्गर पलिरहो जसिके तुहुरिन्हे सिखागिल रहे, और रोट्दिन धन्यवाद देती रहो।

10ख्रीष्ट हरेक शक्ति और अधिकारमे सक्कुहुनसे भारी बताँ। तबेकमारे यदि तुहुरे ख्रीष्टमे बतो कलेसे तुहुरिन्हे कौनो फेन चिजके कमि नै हो।

10"जे थोरचे बातमे ईमानदार रहत, ऊ धेउर बातमे फेन ईमानदार रहत। और जे एकदम छुटी चिजमे बेइमान रहत, ऊ भारी चिजमे फेन बेइमान रहत।

11तबेकमारे तुहुरे संसारिक धनमे ईमानदार नै हुइबो कलेसे तुहुरिन्हे स्वर्गीय धनके जिम्मा के दि?

13कौनो फेन नोकर एकथो समयमे दुईथो मलिक्वनके सेवा करे नै सेकत। काकरेकी ऊ एकथोहे घृणा करी और दोसुरहे प्रेम करी, या ऊ एकथोहे आदर दि दोसुरहे तिरस्कार करी। अस्तेके तुहुरे फेन एक्केथो समयमे परमेश्वरके सेवा और अपन लग धन-सम्पति जमा करे नै सेक्बो।"

15तुहुरे संसारहे और संसारमे रहल कौनो फेन चिजहे प्रेम ना करो। यदि कौनो मनैया संसारहे प्रेम करत कलेसे परमेश्वर बाबक प्रेम ओकरमे नै हो।

23जे छावाहे अस्वीकार करत, ओकर थेन परमेश्वर बाबा फेन नै हो। जे छावाहे मान लेहत, ओकर थेन परमेश्वर बाबा फेन बा।

24उ सच्चा सन्देश जोन तुहुरे सुन्लो जब तुहुरे ख्रीष्टमे विश्वास करलो। वहे सन्देश तुहुरिन्केमे पलिरहे। यदि उ सन्देश तुहुरिन्केमे पलिरही कलेसे तुहुरे फेन छावकमे और परमेश्वर बाबकमे पलिरबो।

1,2हे जन्नी मनै, तुहुरे फेन अपन थरवक अधिनमे रहो। ताकि यदि तुहुरिन्मेसे केक्रो थरवा परमेश्वरके वचन विश्वास करनासे अस्वीकार करत कलेसे तुहुरे कुछु नै कलेसे फेन तुहुरिन्के व्यवहार देख्के ओइने परमेश्वरहे विश्वास करे सेक्थाँ। जब ओइने तुहुरिन्के शुद्ध और प्रेम भरल व्यवहार देख्हीँ। तब ओइने ख्रीष्टमे विश्वास करहीँ।

8अन्तिममे विश्वासी भैयो, मै तुहुरिन्हे यी कहे चाहतुँ, कि तुहुरे एकतामे बैठो, एकदोसर जहनके लग सोँचो। एक्के परिवारके सदस्य हस एकदोसर जहनहे प्रेम करो। एकदोसर जहनहे दया देखाऊ, और एकदोसर जहनसे नम्र होऊ।

15बेन तुहुरे ख्रीष्टहे तुहुरिन्के जीवनके प्रभुक रुपमे आराधना करो। और यदि हम्रे सक्कु विश्वासीन साझेदार हुइना आशक बारेमे केऊ पुँछल कलेसे उहिहे व्याख्या करक लग हरदम तयार रहो।

3हे मोरिक विश्वासी भैयो, तुहुरिन्के लग हम्रिहिन्हे हरदम परमेश्वरहे धन्यवाद देहे परत, असिक करना हमार लग उचित बा। काकरेकी प्रभु येशूमे तुहुरिन्के विश्वास आकुर धेउर बहरती जाइता, और तुहुरिन्के प्रेम फेन एकदोसुर जहनकेमे बहरती जाइता।

4तबेकमारे हम्रे परमेश्वरके मण्डलीमे तुहुरिन्के बारेमे घमण्ड कर्थी। भले तुहुरे परीक्षा और दुःखके अनुभव करथो। तभुन फेन तुहुरे धिरजतासे सहती रथो, और तुहुरे अभिन फेन येशू ख्रीष्टमे विश्वास करथो।

12हम्रे यी प्राथना कर्थी कि मनै तुहुरिन्के कारण प्रभु येशू ख्रीष्टके नाउँक महिमा करिँत, और तुहुरे फेन सम्मानित हुइबो। काकरेकी तुहुरिन्के सम्बन्ध हुँकार संग बा। असिके यी कारणसे हुई, काकरेकी हमार परमेश्वर और प्रभु येशू ख्रीष्टके अनुग्रह तुहुरिन्केमे बा।

1का फेनदोस्रे हम्रे अपन तारिफ अप्निहीँ करे लागल बती? का यी असिके हुई, कि दोसुर मनैनके हस हम्रिहिन्हे फेन तुहुरिन्के थेन नाने या तुहुरिन्के थेनसे सिफारिशके चिट्ठी लैजाई परी?

5कौनो फेन काम करे सेक्ना खुबी हमारमे बा कहिके हम्रे नै कथी। पर परमेश्वर हम्रिहिन्हे यी खुबी देथाँ।

15आजसम फेन मोशक किताब पह्रेबेर ओइन्के मनमे घुर्घुत दारल पलिरथिन। तबेकमारे ओइने यिहिहे पूरा रुपमे बुझे नै सेक्थाँ।

3तुहुरे मंग्थो तभुन फेन तुहुरे नै भेटैथो। काकरेकी तुहुरे खराब इच्छासे मंग्थो ताकि तुहुरे अपन स्वार्थसे भरल अभिलाषाहे पूरा करे सेको।

4हे विश्वासघाती मनै, का तुहुरे नै जन्थो, कि यी संसारहे संघरिया बनैना परमेश्वरसे दुश्मनी करना हो? तबेकमारे जे संसारके संघरिया बने चाहत, ऊ अपनेहे परमेश्वरके दुश्मन बनाइत।

8परमेश्वरके लग्गे आऊ, तब ऊ फेन तुहुरिन्के लग्गे अइहीँ। हे पापी मनै, अपन जीवनमेसे पापहे दूर कराऊ। हे मन बदल्ती रना मनै! तुहुरे अपन मन शुद्ध बनाऊ।

18यिहिसे कौनो फरक नै परी! खास बात यी हो कि चाहे उ मजा इच्छासे होए, चाहे गलत इच्छासे होए जसिके हुइलेसे फेन ख्रीष्टके बारेमे खुशीक खबरके प्रचार हुइता। तबेकमारे यक्रेहे कारण मै खुशी बतुँ और खुशी पलिरहम।

23काकरेकी मै ते दोधारमे परल बतुँ। मन ते कहत कि मुजाऊँ और जाके ख्रीष्टके संग रहुँ। काकरेकी यी गजब मजा बा।

29काकरेकी परमेश्वर तुहुरिन्हे ख्रीष्टमे विश्वास करना किल नै हो, पर तुहुरिन्हे दुःख सहना फेन सौभाग्य देले बताँ। काकरेकी तुहुरे परमेश्वरकेमे विश्वास करथो।

4मै यी चिट्ठी तीतस तुहिन्हे लिखतुँ। तुँ मोरिक अपने छावा हस हुइतो, काकरेकी तुँ फेन ख्रीष्टमे विश्वास करथो। परमेश्वर बाबा और हमार मुक्तिदाता येशू ख्रीष्टके ओहोँरसे तुहिन्हे अनुग्रह और शान्ति मिल्ती रहे।

13क्रेट टापुक बारेमे यी बात अभिन फेन सच्चा बा। तबेकमारे ओइन्हे कड़ा रुपमे चेतावनी देऊ, ताकि ओइने येशू ख्रीष्टके बारेमे सच्चा शिक्षामे विश्वास करिँत।

15जोन मनैनके मनमे कौनो फेन पाप रहल विचार नै हुइतिन, ओइन्के लग सक्कु चिज शुद्ध बतिन। पर जोन मनै खराब बताँ और येशूकमे विश्वास नै करथाँ, ओइने ज्या फेन करथाँ उ काम मजा नै रथिन। काकरेकी ओइन्के मन और दिमाग दुनु पूरा रुपमे खराब होगिल बतिन।

7जिहिहे जतरा देना मन बा, ऊ ओत्रेहे देहे। मन दुखाके या केक्रो दबाबमे परके ना देऊ। काकरेकी खुशीसे देहुइयनहे परमेश्वर प्रेम करथाँ।

8परमेश्वर तुहुरिन्हे तुहुरिन्के जरुरीसे फेन धेउर देहे सेक्थाँ। ताकि तुहुरिन्हे जरुरी परना हरेक चिज हरदम तुहुरिन्के थेन पलिरहे, और तुहुरे सक्कु मजा कामके लग प्रशस्त मात्रामे देहे सेको।

10परमेश्वर जबफेन किसाननहे बुइक लग बिया देथाँ, और ओइन्हे खाइक लग खाना फेन देथाँ। ठिक अस्तेहेँके परमेश्वर यी फेन सम्भव बनैहीँ कि तुहुरिन्के थेन जबफेन पुग्ना मेरिक पैँसा पलिरहे, ताकि तुहुरे आकुर धेउर खुल्ला मनसे जरुरी परल मनैनहे देहे सेको।

4हुइहीँ! बिरकुल फेन विश्वासयोग्य हुइहीँ! काकरेकी परमेश्वर हरदम सच बोल्थाँ ताकि हरेक मनै झूँटा ठहरिँत। जसिके पवित्र शास्त्रमे परमेश्वरके बारेमे लिखल बा,"अप्नि अपन वचनमे ठिक ठहरी,और न्याय करेबेर अप्निक जित होए।"

10जसिके पवित्र शास्त्रमे लिखल बा,"परमेश्वरके नजरमे केऊ फेन धर्मी नै हो, एक जाने फेन नै हुइँत।

11जात्तिकमे सही बात का हो कहिके बुझुइया एक जाने फेन नै हुइँत।केऊ फेन परमेश्वरहे चिन्हे नै चाहत।

7,8हम्रे सक्कु जाने परमेश्वरके हुइती। तबेकमारे हमारमेसे केऊ फेन अपन लग किल नै जिए परत, और यदि हमारमेसे केऊ मुअत कलेसे ऊ अपन लग किल नै मुअत।

17काकरेकी परमेश्वरके राजमे खाना पिना महत्त्वपूर्ण नै हो। पर महत्त्वपूर्ण ते यहे बातके बा कि परमेश्वरके संग सही जीवन जिना, और पवित्र आत्मामे विश्वासी संघरियनके संग शान्ति और आनन्दमे रना।

23पर यदि हमार मनमे कुछु फेन खैना चिजके बारेमे शंखा बा, और तभुन फेन हम्रे उहिहे खालेली कलेसे हम्रे दोषी बती। काकरेकी हमार मनमे जोन विश्वास बा, ओकर अनुसार हम्रे नै कर्ली। काकरेकी हम्रे ज्या फेन कर्थी, यदि उ काम हम्रे अपन प्रभुमे बिना विश्वासके कर्थी कलेसे उ हमार लग पाप हो।