कलस्सी 1

12 और परमेश्वर बाबाहे धन्यवाद देती रहो, जे तुहुरिन्हे उ उत्तराधिकारमे शामिल हुइना योग्यक बनाइल बा। जोन उत्तराधिकार ऊ स्वर्गक राजमे अपन पवित्र मनैनके लग तयार कर्ले बा। 13 काकरेकी वहे हम्रिहिन्हे शैतानके शक्तिसे छुटाके अपन दुलार छावक राजमे लेके आइल। 14 परमेश्वरके छावक बलिदानसे हम्रिहिन्हे मुक्ति अर्थात पापके माफ मिलल बा।

ख्रीष्टके सर्वश्रेष्ठता

15 केऊ फेन परमेश्वरहे देखे नै सेकत। पर जब हुँकार छावा एकथो मनैया बन्लाँ ते परमेश्वरहे ऊ मनैनके आघे प्रकट करदेलाँ। और परमेश्वर ज्या चिज फेन बनैले बताँ। ओम्ने हुँकार सक्कुहुनसे भारी अधिकार बतिन। 16 काकरेकी यी वहे (ख्रीष्ट) रहिँत, जे सक्कु चिज बनाइक लग परमेश्वरके संग काम करलाँ। उ बनाइल चिज चाहे स्वर्गक होए या पृथ्वीक, देखैना और नै देखैना, चाहे सिंहासन या राज, चाहे प्रधानता होए या अधिकार यी सक्कु चिज हुँकारे माध्यमसे और हुँकिनेहे आदर देहक लग बनागिल बताँ। 17 और कौनो चिज फेन बनाजिनासे पैलेहेँ ख्रीष्ट रहिँत, और हुँकारेमे सक्कु चिज व्यवस्थित रुपमे पलिरथाँ।