14 सक्कुहुनसे खास काम जोन तुहुरिन्हे करे परना हो, उ यी हो कि तुहुरे एकदोसुर जहनहे प्रेम करो। असिक करके तुहुरे पूरा रुपसे एकजुट होजिबो। 15 ख्रीष्टके देना शान्तिहे तुहुरिन्के मनमे राज करे देऊ। काकरेकी तुहुरे सक्कु जाने एकथो शरीरके अंग हुइतो। तबेकमारे तुहुरिन्हे एकदोसुर जहनके संग शान्तिसे रहक लग बलागिल बा। और सदादिन धन्यवाद कर्ती रहो। 16 हरेक समय ख्रीष्टके सन्देशके बारेमे सोँचो, ताकि यी बात उ सक्कु बातहे नियन्त्रण करे, जोन तुहुरे करथो और सोँच्थो। और पूरा बुद्धिमानीसे एकदोसुर जहनहे सिखाऊ। और चेतावनी देऊ। और अपन-अपन मनमे धन्यवादके संग परमेश्वरके लग भजन और स्तुति गीत और आत्मिक गीत गाऊ। 17 ज्या बात तुहुरे बोल्थो या करथो, सक्कु चिज प्रभु येशूक नाउँसे करो, और प्रभु येशूक माध्यमसे परमेश्वर बाबाहे धन्यवाद चह्राऊ।