3 हम्रे फेन ओइनेहेन्के हस जिअतिही, और अपन पापी स्वभावके इच्छा पूरा करतिही। और हमार जोन काम फेन खराब इच्छा और विचार हम्रिहिन्हे करवाई चाहिँत, हम्रे उ काम करतिही। और औरे जहनके हस हम्रे फेन स्वभाविक रुपमे खराब रही, और परमेश्वरके दण्ड हमारमे परना रहे।

4 पर परमेश्वर बहुत दयालु बताँ; वहे हुँकार महान प्रेमके कारण ऊ हम्रिहिन्हे प्रेम करलाँ। 5 पाप कर्लक कारण हम्रे मुअल मनैनके हस रही। पर हमार सम्बन्ध ख्रीष्टके संग हुइलक कारण परमेश्वर जसिके ख्रीष्टहे मुअलमेसे जिवैलाँ, ओस्तेहेँके हम्रिहिन्हे फेन ऊ जीवन देलाँ। और परमेश्वर अपन अनुग्रहक कारण हम्रिहिन्हे बँचालेलाँ।