27 काकरेकी परमेश्वरके अगमवक्ता यशैया पवित्र शास्त्रमे असिके लिख्ले बा,
"हे बाँझी जन्नी मनै, तुहुरे जेने कबु लरका नै पाइल हुइतो।
और जेने लरका पैना बत्था कबु महसुस नै कर्ले हुइतो।
तुहुरे खुशी होऊ। चिल्लाऊ और आनन्दित होऊ।
काकरेकी थरवा रहल जन्नीकसे धेउर लरका बाँझी जन्नीक लरका बताँ।"
28 हे मोरिक विश्वासी भैयो, जसिके अब्राहामके छावा इसहाक परमेश्वरके वाचक अनुसार जल्मल रहे। ओस्तेहेँके हम्रे फेन परमेश्वरके वाचक अनुसार परमेश्वरके सन्तान बनगिल बती। 29 जसिके मनैनके कोशिससे जल्मल लरका इश्माएल परमेश्वरके शक्तिसे जल्मल लरका इसहाकहे सतैलस। ओस्तेहेँके आब तुहुरिन्हे फेन उ मनै सताइतताँ, जेने चहथाँ कि तुहुरे मोशक नियम कानुन पालन करो।