19 तबेकमारे हे मोरिक विश्वासी भैयो, येशू बलिक रुपमे अपन खुन देलाँ। यिहिसे हम्रे बिना डरैले स्वर्गक महापवित्र ठाउँमे हिम्मतसे पैँठे सेक्थी। 20 जब ख्रीष्ट मुलाँ, तब ऊ हम्रिहिन्हे सदाकालके जीवन देहक लग लावा डगर खोलदेलाँ। येशू पर्दामेसे छिरके डगर खोल्लाँ, ओकर मतलब यी हो कि ऊ अपनहे बलिक रुपमे चह्राके असिके करलाँ। 21 और परमेश्वरके मनैनमे राज करुइया हमार संग एकथो महान पुजारी हुइलक कारण, 22 ख्रीष्टके खुन छिट्कलक कारण हमार मनके दोष हटके चलगिल बताँ, और हमार शरीर शुद्ध पानीलेके धोगिल बा। और हम्रे तयार करगिल बती। तबेकमारे आब आई, सच्चा मन और बल्गर विश्वाससे हम्रे परमेश्वरके थेन जाई।