हिब्रू 10

35 तबेकमारे तुहुरे अपन विश्वासहे ना छोरो, ताकि तुहुरे परमेश्वरसे बरवार ईनाम भेटाई सेको। 36 अब्बे तुहुरिन्हे स्थिर रहे परी, ताकि तुहुरे लगातार परमेश्वरके इच्छा अनुसार काम करे सेको। तब तुहुरे परमेश्वरके वाचा कर्लक सक्कु चिज भेटाई सेक्बो। 37 काकरेकी पवित्र शास्त्रमे लिखल बा,

"आब एकघची पाछे अउइया पक्कै अइहीँ,

और बेर नै करहीँ।

38 जे परमेश्वरकेमे भरोसा करी, उहिहे परमेश्वर धर्मी ठहरैहीँ,

और ऊ सदाकालके जीवन भेटाई।

और यदि ऊ महिन्हे अस्वीकार करी कलेसे ते

मै उहिसे खुशी नै हुइम।"

39 पर हम्रे परमेश्वरहे अस्वीकार करुइया और नाश पारजउइयनमेसे नै हुइती। पर हम्रे परमेश्वरहे विश्वास करके जीवन भेटुइयनमेसे हुइती।