अविश्वासके विरोधमे चेतावनी
7 तबेकमारे पवित्र आत्मा पवित्र शास्त्रमे कले बताँ,
"आज तुहुरिन्हे परमेश्वरके आवाज सुन्हिक परी।
8 उजाड़-ठाउँमे परीक्षक समयमे परमेश्वरके विरोधमे विद्रोह करुइया तुहुरिन्के पुर्खन हस
परमेश्वरके आज्ञा पालन करना अस्वीकार ना करो।
12 हे मोरिक विश्वासी भैयो, चौँकस रहो! तुहुरिन्मेसे केक्रोमे रहल दुष्ट और अविश्वासी मन तुहुरिन्हे जित्ती परमेश्वरसे दूर ना लैजाए। 13 जबसम पवित्र शास्त्रमे "आझिक दिन" कना शब्द बा, तबसम प्रत्येक दिन एकदोसर जहनहे मजा तरिकासे जीवन बिताइक लग उत्साहा देऊ। यदि तुहुरे ओसिक कर्बो कलेसे, पाप तुहुरिन्हे धोखा नै दि, और तुहुरे परमेश्वरके विरोधमे जिद्दीह्या नै बन्बो। 15 पवित्र शास्त्रमे असिके लिखल बा,
"आझी तुहुरे परमेश्वरके आवाज सुन्बो कलेसे
परमेश्वरके विरोधमे विद्रोह करुइया तुहुरिन्के पुर्खन हस
परमेश्वरके आज्ञा पालन करना तुहुरे अस्वीकार ना करो।"