हिब्रू 7:23-25

23 दोसुर फरक का हो कलेसे पहिलेक पुजारीनके अपन काम पूरा करे नै सेक्लाँ। पर ओइने मुगिलक कारण ओइन्के ठाउँमे दोसुर पुजारी नियुक्त हुइलाँ। तबेकमारे आघेक पुजारीनके संख्या बहुत्ते रहिन। 24 पर येशू अनन्त हुइलक ओहोँरसे हुँकार पुजारीक पद केऊ नै ली। 25 तबेकमारे येशूक माध्यमसे परमेश्वरके लग्गे अउइयनहे ऊ सदाकालके लग मुक्ति देहे सेक्थाँ। काकरेकी ओइन्के लग मध्यस्थतक प्राथना चह्राइक लग ऊ सदादिन जित्ती बताँ।