3 बाबा हुँकिन्हे सक्कु चिजमे अधिकार दैदेले बा, और ऊ परमेश्वरके थेनसे अइलाँ, और परमेश्वरेके थेन फिर्ता जाइतताँ कना बात येशूहे पता रहिन। 4 तब् ऊ खाना खाई बैठल ठाउँसे उठ्गिलाँ, और बाहेर घालल कोट खोलके अपन करहिँउमे तौलिया बेहेँरलेलाँ।
येशू अपन चेलनके गोरा धुइलक
5 तब् येशू तस्लामे पानी उल्दलाँ और चेलनके गोरा धुई लग्लाँ, और अपन बेँह्रल तौलियासे ओइन्के गोरा पोँछे लग्लाँ।
गोरा धुइनक मतलब
12 जब ओइन्के गोरा धोके सेक्लाँ ते येशू अपन बाहेर घल्ना कोट घालके फेनदोस्रे बैठ्गिलाँ। तब् ऊ ओइन्हे कलाँ, "का तुहुरे बुझ्लो कि मै तुहुरिन्के संग यी का कर्नु? 13 तुहुरे महिन्हे ‘गुरु और प्रभु’ कथो, उ तुहुरे ठिके कथो, काकरेकी मै तुहुरिन्के प्रभु और गुरु हुइतुँ। 14 यदि तुहुरिन्के प्रभु और गुरु होके मै तुहुरिन्के गोरा धुइल बतुँ कलेसे तुहुरे फेन अपनहे नम्र बनाके एकदोसर जहनके गोरा धुई परत। 15 काकरेकी मै तुहुरिन्हे एकथो नमूना देखाइल बतुँ कि जसिके मै तुहुरिन्के संग करल बतुँ, तुहुरे फेन ओस्तेहेँ करो। 16 जात्तिके मै तुहुरिन्हे कहतुँ, नोकर अपन मलिक्वासे भारी नै रहत, और निउतरह्या निउतरह्याहे पठुइयासे भारी नै रहत। 17 आब जब तुहुरे यी बातहे जानलेले बतो कलेसे ओकर पालन करो, ताकि तुहुरे धन्य होजाऊ।"
अपन पक्राऊक बारेमे येशूक भविष्यवाणी
(मत्ती २६:२०-२५; मर्कू. १४:१७-२१; लूक. २२:२१-२३)