यूहन्ना 17

सक्कु विश्वासीनके लग येशूक प्राथना

20 येशू कलाँ, "मै यी चेलनके लग किल प्राथना नै करथुँ, पर ओइन्के लग फेन करथुँ, जेने यनके देहल सन्देशसे मोरिकमे विश्वास करहीँ। 21 ताकि ओइने सक्कु जाने एक हुई सेकिँत। जसिके हे बाबा, तैँ मोरिक संग एकतामे बते और मै तोरिक संग एकतामे बतुँ। ओस्तेके ओइने फेन हमार संग एकतामे होजाँइत, और तैँ महिन्हे पठैले कहिके संसारके मनै विश्वास करिँत। 22 जोन महिमा तैँ महिन्हे देले बते, वहे महिमा मै ओइन्हे देले बतुँ, ताकि जसिके हमार मन एक्के बा, ओस्तेके ओइन्के मन फेन एक्के होजाइन। 23 तैँ मोरिकमे और मै ओइन्केमे बतुँ ताकि ओइने पूरा रुपमे एक होजाँइत। जिहिसे संसारके मनै यी जानलिँत कि तहिँए महिन्हे पठैले, और तैँ ओइन्हे ओस्तेहेँ प्रेम कर्ले, जसिके महिन्हे कर्ले।