4 फेनदोस्रे बाहेर निकरके राजपाल पिलातस ओइन्हे कहल, "हेरो, मै यिहिहे तुहुरिन्के थेन बाहेर नानतुँ, और तुहुरिन्हे जनाई चहथुँ, मै यकरमे कुछु गल्ती नै देख्नु।"

5 तब् काँटक मुकुट और बैजनी रङ्गके लुग्गा घालल येशू बाहेर नानगिलाँ। और राजपाल पिलातस ओइन्हे कहल, "यी मनैयाहे हेरो!" 6 जब मुख्य पुजारीनके और मन्दिरके चौकिदर्वन येशूहे देख्लाँ। तब ओइने चिल्लाके असिक कलाँ, "उहिहे क्रूसमे टाँगो, उहिहे क्रूसमे टाँगो!" राजपाल पिलातस ओइन्हे कहल, "तुहुरेहे यिहिहे लैजाके क्रूसमे टाँगो, काकरेकी मै यकरमे कुछु गल्ती नै देख्नु!"