खाली चिहान
1 अँतवारके दिन सक्करहीँ अंधार रहलेमे मग्दल गाउँक मरियम कौनो दोसुर जन्नी मनैनके संग चिहानमे आइल। और उ पठराहे चिहानके मोहँकरमेसे हटाइल देखल। 6 तब सिमोन पत्रुस फेन ओकर पाछेपाछे पुगल, और ऊ चिहानके भित्तर पैँठ्गिल। और वहाँ ऊ फेन सूतिक लुग्गक पट्टी किल धारल देखल। 7 येशूक मुहाँरमे लपेटल लुग्गा दोसुर लुग्गक पट्टीक संग नै रहे। पर अल्गे ठाउँमे बित्याके धारल देखल।
11 पर मग्दल गाउँक मरियम चिहानके बाहेर ठरह्याके रुइतेहे। और ऊ रुइति-रुइति चिहानके भित्तर लिहुरके झाँकल। 14 असिक कहिके सेकके ऊ पाछे ओहोँर घुमल ते येशूहे ठरह्याइल देखल। पर उ येशूए हुइँत कहिके ऊ नै चिन्हल। 15 येशू उहिहे कलाँ, "हे नारी, तुँ काकरे रुइतो, और किहिहे खोजतो?" ऊ हुँकिन्हे बगियक माली समझके कहल, "सुनी ते महाशय! यदि अप्नि हुँकार मुअल शरीरहे यहाँसे लैगिल बती कलेसे, महिन्हे बतादी कि अप्नि हुँकिन्हे कहाँ धारल बती और मै हुँकिन्हे लैजिम।" 16 येशू उहिहे कलाँ, "मरियम!" ऊ पाछे घुमके हुँकिन्हे अपन भाषा हिब्रूमे कहल, "रब्बोनी," यकर मतलब हुइत "हे गुरुजी!" 18 मग्दल गाउँक मरियम जाके चेलनहे बताइल, "मै प्रभुहे देख्नु।" और ओइन्हे उ सक्कु बात बतादेहल, जोन बात येशू उहिहे कले रहिस।
येशू चेलनके थेन देखा पर्लक
(मत्ती २८:१६-२०; मर्कू. १६:१४-१८; लूक. २४:३६-४९)