यूहन्ना 6

32 येशू ओइन्हे कलाँ, "जात्तिके, मै तुहुरिन्हे कहतुँ, तुहुरिन्हे स्वर्गमेसे रोटी देहुइया मोशा नै हो। पर स्वर्गमेसे तुहुरिन्हे सच्चा रोटी देहुइया मोरिक बाबा हो। 33 काकरेकी परमेश्वरके रोटी वहे हो, जोन स्वर्गमेसे उतरके आइत, और संसारहे जीवन देहत।" 34 ओइने हुँकिन्हे कलाँ, "प्रभु, यी रोटी हम्रिहिन्हे रोज देबी।" 35 येशू ओइन्हे कलाँ, "मै वहे रोटी हुइतुँ जे जीवन देहत। मोरिक थेन अउइया नै भुँखाई, और मोरिकमे विश्वास करुइयाहे कबु प्यास नै लग्हिस।