53 येशू ओइन्हे कलाँ, "जात्तिके, मै तुहुरिन्हे कहतुँ, तुहुरे मै, मनैयक छावक शरीर नै खैबो, और मोरिक खुन नै पिबो कलेसे तुहुरिन्केमे जीवन नै रही। 54 मोरिक शरीर खउइया और मोरिक खुन पिउइयक थेन सदाकालके जीवन बा, और अन्त्यक दिनमे मै उहिहे जित्ती करम। 55 काकरेकी मोरिक शरीर जात्तिके खैना चिज हो, और मोरिक खुन जात्तिके पिना चिज हो। 56 मोरिक शरीर खउइया और मोरिक खुन पिउइया भर मोरिकमे रही, और मै ओकरमे रहम। 57 मोरिक बाबा जे महिन्हे पठाइल, ऊ जीवन देहत। जसिके ऊ महिन्हे जीवन देहल बा, ओस्तेके मै फेन उ मनैयाहे जीवन देहम, जे मोरिक शरीरहे खाइत। 58 स्वर्गमेसे उतरके आइल यी रोटी ओसिन नै हो, जोन बाबा-पुर्खन खैलाँ, तभुन फेन ओइने मुगिलाँ। यी रोटी खउइया भर सदादिन जीई।"