Lucas 1

59 अठौँ दिनमे ओइने लरकक खतना करे अइलाँ। ओइने ओकर नाउँ जकरिया धारे चाहतिहिँत, काकरेकी यी ओकर बाबक नाउँ रहे। 60 पर ओकर दाई एलिशिबा कहल, "नाई, ओकर नाउँ यूहन्ना धारे परी।" 61 ओइने उहिहे कलाँ, "तोरिक नातपाँतमे यी नाउँ केक्रो नै हो।" 62 तब ओइने ओकर बाबाहे इशारा करके पुँछ्लाँ, "अप्नि यकर नाउँ का धारे चहथी?" 63 ऊ एकथो लिख्ना पाटी मगाके लिखल, "ओकर नाउँ यूहन्ना हो।" और उ सक्कु जहनहे अचम्म लग्लिन। 64 जुरतेहेँ ऊ फेनदोस्रे बोले सेक्नाहाँ होगिल, और ऊ परमेश्वरके प्रशंसा करे लागल।