लूका 13:12-16

12 येशू उहिहे देख्लाँ और बलाके कलाँ, "ए नारी, तैँ अपन कुब्रीपनसे मुक्त होगिले।" 13 तब् येशू ओकरमे अपन हाँथ धरलाँ ते ऊ जुरतेहेँ सोझ होगिल, और परमेश्वरके प्रशंसा करे लागल। 14 यहूदी बैठक भवनके मुखिया रिसागिलस। काकरेकी येशू बिँसैना दिनमे चोख्वाइल रहिँत। और यहूदी बैठक भवनके मुखिया मनैनहे कहे लागल, "एक हप्तामे छे दिन काम करक लग हम्रिहिन्हे अनुमति बा। तबेकमारे यहे छे दिनमे आके चोख्वाऊ, बिँसैना दिनमे नै।" 15 पर प्रभु येशू जवाफ देलाँ, "ए कपटीन! तुहुरिन्मेसे के बिँसैना दिनमे घारी और तबेलामेसे अपन गोरु या गडहाहे खोलके पानी पिवाई नै लैजाइत? 16 यी जन्नी मनैया जे अब्राहामके सन्तान हो। यिहिहे अठार सालसम शैतान बहानके धारल रहिस। बिँसैना दिनमे यिहिहे चोख्वैना का गलत रहे?"