लूका 2

भेँरी चह्रुइया भेँरहुवन और स्वर्गदूतनके

8 वहे ईलाकामे गोड्गात भेँरी चह्रुइया भेँरहुवन रहिँत, जेने डँरवामे बैठके रातके अपन भेँरीनके अख्वारी करिँत्। 9 प्रभुक एकथो स्वर्गदूत ओइन्के थेन देखा पर्लिन, और प्रभुक तेज ओजरार ओइन्के आँजरपाँजर चम्कलिन, और ओइने गजब डरागिलाँ। 10 पर स्वर्गदूत ओइन्हे कहल, "ना डराऊ, काकरेकी हेरो मै तुहुरिन्हे महा आनन्दके खुशीक खबर सुनैम, जोन सक्कु मनैनके लग हुई। 11 आज दाऊद रज्वक गाउँ बेथलेहेम गाउँमे तुहुरिन्के लग एकथो मुक्तिदातक जलम हुइल बा, जे ख्रीष्ट प्रभु हुइताँ।