भेँरी चह्रुइया भेँरहुवन और स्वर्गदूतनके
8 वहे ईलाकामे गोड्गात भेँरी चह्रुइया भेँरहुवन रहिँत, जेने डँरवामे बैठके रातके अपन भेँरीनके अख्वारी करिँत्। 9 प्रभुक एकथो स्वर्गदूत ओइन्के थेन देखा पर्लिन, और प्रभुक तेज ओजरार ओइन्के आँजरपाँजर चम्कलिन, और ओइने गजब डरागिलाँ। 10 पर स्वर्गदूत ओइन्हे कहल, "ना डराऊ, काकरेकी हेरो मै तुहुरिन्हे महा आनन्दके खुशीक खबर सुनैम, जोन सक्कु मनैनके लग हुई। 11 आज दाऊद रज्वक गाउँ बेथलेहेम गाउँमे तुहुरिन्के लग एकथो मुक्तिदातक जलम हुइल बा, जे ख्रीष्ट प्रभु हुइताँ। 12 तुहुरे एकथो लरकाहे लुग्गामे सेहँरल, और डोँरवामे सुताइल भेटैबो। यी चिन्हासे तुहुरे जानजिबो कि ऊ लरका के हो।" 13 तब् एकफाले वहे स्वर्गदूतके संग स्वर्गीय सेननके एकथो समूह देखा परल। परमेश्वरके स्तुति कर्ती ओइने कलाँ, 14 "स्वर्गमे परमेश्वरहे महिमा और पृथ्वीमे जोन मनैनसे ऊ खुशी बताँ, ओइन्हे शान्ति होए।"