सक्कुहुनसे प्रमुख के मानजाई?
24 तब् ओइन्मेसे सक्कुहुनसे प्रमुख के मानजाई कना चेलनके बिच्चेम वाद-विवाद हुई लग्लिन। 25 येशू ओइन्हे कलाँ, "गैर-यहूदिनके रज्वन ओइन्के उप्पर शासन करथाँ, और ओइन्के उप्पर अधिकार चलुइयन ‘उपकारी’ कहाजिथाँ। 26 पर तुहुरे भर असिन ना होऊ। तुहुरिन्मेसे जे भारी बा, ऊ छुटी बने, और अगुवा होउइया भर सेवा करे। 27 काकरेकी भारी के हो? खाना खाई बैठुइया कि ठरह्याके सेवा करुइया? का खाना खाई बैठुइया भारी नै हो? पर मै तुहुरिन्के बिच्चेम एकथो सेवा करुइया हस बतुँ।