लूका 6:46-49

46 "मोरिक कहल बात नै मन्थो कलेसे काकरे महिन्हे ‘प्रभु, प्रभु,’ कथो? 47 जे मोरिक थेन आइत, मोरिक वचन सुनत और वहे अनुसार करत, ऊ कसिन मनैया हो, मै तुहुरिन्हे बतैबुँ। 48 ऊ एकथो असिन घर बनुइया मनैया हस हो, जे गहिँर कोरके चट्टानमे जग बैठाइल। और जब पानी बर्सल और बहार आइल और पानीक बेग हल्कोरा मर्ती आके उ घरेम ठोकल। तब् उ घरहे हिलाई नै सेकल, काकरेकी ऊ बल्गर बनाइल रहे। 49 पर जे सुनत और फेन वहे अनुसार नै करत, उ एकथो असिन मनैया हस हो, जे धर्तीमे बिना जगके घर बनाइल। जब ओकर घरक उप्पर पानीक हल्कोरा आके ठोक्लिस्। तब् उ घर जुरतेहेँ ढलगिल, और उ घरक बरवार नोकसान होगिलिस।"