लूका 8

बिया छिटुइयक दृष्टान्त

1 तब् येशू नगर-नगर और गाउँ-गाउँ हुइती प्रचार कर्ती और परमेश्वरके राजके खुशीक खबर सुनैती घुमे लग्लाँ। हुँकार संग बाह्रै जाने चेलनके रहिँत। 2 कौनो-कौनो जन्नीन फेन हुँकार संग रहिँत, जेने भूत्वा और रोगसे मजा हुइल रहिँत। ओइने यनेहेँ हुइँत : मग्दल गाउँक मरियम, जेकरमेसे सातथो भूत्वा निक्रल रहिस। 3 हेरोद रज्वक कारिन्दा खुजासके जन्नी योअन्ना और सुसन्ना, और औरे बहुत्ते जन्नी मनै अपन धन लेके येशू और हुँकार चेलनके सेवा करिँत्।