Lucas 8

43 बाह्र साल आघेसे खुन बहना रोग लागल एकथो जन्नी, जिहिहे केऊ फेन चोख्वाई नै सेकल रहिस। 44 उ जन्नी मनैया पाछेसे आके हुँकार लुग्गक झल्लर छुअल, और जुरतेहेँ ओकर खुन बहना बन्द होगिलिस्। 45 येशू कलाँ, "महिन्हे के छुअल?" जब सक्कु जाने नै मन्लाँ, तब् पत्रुस और ओइन्के संग रहुइयन कलाँ, "गुरुजी, भीड़के मनै अप्निहे घेरके ठेलतताँ।" 46 पर येशू कलाँ, "केऊ महिन्हे छुअले बा, काकरेकी शक्ति मोरिकमेसे निकरके जाइत मै पता पैनु।" 47 तब् अप्निहीँ नै नुके सेक्ना बात पता पाके उ जन्नी डरैती लग्लगैती आइल। और हुँकार आघे ठेहुनी टेकके बैठ्गिल, और ऊ हुँकिन्हे छुअल। तब् कसिके जुरतेहेँ मजा होगिल कहिके ऊ सक्कु मनैनके थेन बतादेहल। 48 येशू उ जन्नीहे कलाँ, "छाई, तुँ अपन विश्वासके कारण चोखाइल बतो, शान्तिसे जाऊ।"