मर्कूस 14:12-16

12 दुई दिन पाछे अखमिरी रोटीक तिहुवारके सुरुक दिन, जब ओइने तिहुवारके लग पठ्वक बलि चह्राइँत। येशूक चेलनके हुँकिन्हे पुँछ्लाँ, "हम्रे कहाँ जाई कना अप्नि चहथी कि हम्रे वहाँ जाके अप्निक लग निस्तार-तिहुवारके खाना तयार पारी, और खैबी?" 13 तब् ऊ अपन चेलनमेसे दुई जहनहे असिक कहिके पठैलाँ, "यरुशलेम शहरमे जाऊ और गग्रीमे पानी भरके लैजुइया एकथो मनैयाहे तुहुरे भेटैबो। ओकर पाछे लग्हो। 14 तब् ऊ जहाँ पैठीँ वहे घरक मलिक्वाहे कहहो, ‘गुरुजी पुँछल बताँ, मोरिक चेलनके संग निस्तार-तिहुवारके खाना खैना पहुना कोन्ती कहाँ बा?’ 15 तब् ऊ तुहुरिन्हे सवाँरल उपरका तल्हक एकथो बरवार कोन्ती देखाई, वहैँ तुहुरे हमार लग निस्तार-तिहुवारके खाना रिझैहो।" 16 तब् उ दुईथो चेलनके गैलाँ, और नगरमे पैँठ्लाँ। तब् ओइने हुँकार कहल हस भेटैलाँ। और ओइने निस्तार-तिहुवारके खाना तयार परलाँ।