मर्कूस 14:3,6,8,9

3 जब येशू बेथानिया गाउँमे सिमोनके घरेम रहिँत, जिहिहे कोढ़ रोग लागल रहिस। जब येशू ओकर घरेम खाना खाई बैठल रहिँत, तब् एकथो स्त्री घरेक भित्तर आइल। ऊ एकथो शीशी नानल, जोन सिंगमरमर नाउँक पठरालेके बनल रहे। और उ शीशी अत्तरसे भरल रहे, और उ अत्तर जटामसिक शुद्ध महँकना तेलसे बनाइल रहे, और उ बहुमूल्य रहे। उ स्त्री शीशीक मोह्कर थेनसे तुरदेहल। ऊ सक्कु अत्तरहे येशूक मुन्टम अख्न्याके हुँकार आदर करल। 6 पर येशू ओइन्हे कलाँ, "यिहिहे एक्केली छोरदेऊ, काकरे तुहुरे यिहिहे सतैथो? ऊ मोरिक संग मजा काम करल बा। 8 यी स्त्री ज्या करे सेके वहे मोरिकमे बहुत मजा करल बा। अत्तरहे ऊ मोरिक शरीरमे अख्न्याइल, और मोरिक मुनासे आघे महिन्हे दफनके लग तयार करल बा। 9 जात्तिके, मै तुहुरिन्हे कहतुँ, सारा संसारमे जहाँ-जहाँ यी खुशीक खबर प्रचार हुई, यी स्त्रीक कामहे बत्वाजैहिस, और यिहिहे याद करजैहिस।"