मर्कूस 14:43-46,50

43 जब येशू अभिन कती रहिँत, तब्बेहेँ करियोत गाउँक यहूदा जे बाह्रथो चेलनमेसे एकथो रहे, ऊ वहाँ आइल। ऊ एकथो बरवार मनैनके भीड़ लेके आइल, जेने अपन संग तरवाल और भट्ठा लेले आइल रहिँत। यी मनैनहे यहूदी मुख्य पुजारीन, यहूदी कानुनके गुरुनके और यहूदी दलके नेतन पठाइल रहिन। 44 यहूदा जे येशूहे पकरवाइक लग ओइन्हे सहयोग करतेहे। मनैनके भीड़हे ऊ आग्गिहीँसे बताइल रहे कि जिहिहे मै गुरु कहिके नमस्कार करम और चुम्मा खैम, उहिएहे पकरहो और पहरा देके लैजिहो। 45 जब यहूदा आइल तब् सोझे येशूक थेन जाके ऊ कहल, "हे गुरुजी," और हुँकिन्हे चुम्मा खाइल। 46 तब् ओइने येशूहे पकरलाँ, और गिरफ्तार करलाँ। 50 तब् सक्कु चेलनके हुँकिन्हे छोरके भागगिलाँ।