15 ओकरपाछे येशू और हुँकार चेलनके लेवीक घरेम खाना खाइतिहिँत। बहुत्ते कर उठुइयन और औरे दोसुर बहुत्ते जाने जेनहे यहूदी मनै पापी कहिँत, ओइने वहाँ रहिँत। ओइने फेन येशू और हुँकार चेलनके संग खाना खाइतिहिँत। काकरेकी वहाँ असिन बहुत्ते मनै रहिँत, जेने येशूक संग रहतिहिँत। 16 यहूदी कानुनके गुरु जेने फरिसी दलके मनै रहिँत, ओइने येशूहे उ कर उठुइयनके संग खाइत देख्लाँ, जेनहे यहूदी मनै पापी कहिँत। ओइने हुँकार चेलनहे कलाँ, "यी कर उठुइयनके और पापीनके संग बैठ्के काकरे खाइत?" 17 यी सुनके येशू ओइन्हे जवाफ देलाँ, "निरोगीनहे वैदक जरुरी नै पर्थिन, पर रोगीनहे वैदक जरुरी पर्थिन। मै ओइन्हे बलाई नै अइनु, जेने अपनहे धर्मी मन्थाँ। पर मै पापीनहे बलाई अइनु, ताकि ओइने पाप करना छोरदिँत, और अपन मन बद्लिँत।"
उपवासके बारेमे प्रश्न
(मत्ती ९:१४-१७; लूक. ५:३३-३९)