Marcos 5

38 तब् ओइने यहूदी बैठक भवनके मुखिया याइरसके संग ओकर घर गैलाँ, और ओइने देख्लाँ कि मनै अपन छाती ठठाठठाके और टोँटा फारफारके रुइतिहिँत। 39 तब् येशू भित्तर गैलाँ, और ओइन्हे कलाँ, "तुहुरे असिके काकरे अपन छाती ठठाठठाके और टोँटा फारफारके रुइतो?" लौँदी अभिन मुअल नै हो, यी ते निदाइल किल बा। 40 असिन सुनके मनै येशूकमे हाँस देलाँ। पर ऊ ओइन् सक्कुहुनहे घरेमेसे बाहेर पठादेलाँ। येशू उ लौँदीक दाईबाबा और उ तीनथो चेलनहे अपन संग लैगिलाँ, जेने हुँकार संग रहिँत। और ओइने वहाँ गैलाँ जहाँ लौँदी सुतल रहे। 41 येशू ऊ बाह्र सालके लौँदीहे हाँथेम लेलाँ और कलाँ, "तालिता कूमी!" जेकर मतलब हुइत, "बाबु मै तुहिन्हे कहतुँ, उठ्जाऊ!" 42 लौँदी जुरुकसे उठ्गिलस और यहोँरओहोँर नेगे लागल, काकरेकी ऊ बाह्र सालके रहे। जोन मनै यी देख्लाँ, ओइने गजब अचम्म मन्लाँ।