Marcos 6

48 येशू देख्लाँ कि चेलनके महा समस्यामे बताँ, ओइने लाउ आघे बह्राइक लग संघर्ष करतिहिँत। काकरेकी बयाल ओइन्के उल्टा ओहोँरसे बहतिहिन। येशू भिन्सरहीँ समुन्दरमे नेंग्ती ओइन्के थेन अइलाँ। असिन लागतेहे कि ऊ ओइन्से आघे निक्रे चाहतताँ। 49 जब चेलनके येशूहे समुन्दरमे नेगत देख्लाँ ते ओइने चिल्लाई लग्लाँ, काकरेकी ओइने सोच्लाँ कि ऊ भूत्वा हो। 50 जब ओइने येशूहे देख्लाँ ते ओइने सक्कु जाने घब्रागिल रहिँत। तब्बेहेँ येशू ओइन्हे कलाँ, "सँस्सा करो, यी मै हुइतुँ, ना डराऊ।" 51 तब् येशू ओइन्के संग लाउमे चहुँरलाँ, और बयाल एकदम शान्त होगिल। चेलनके गजब अचम्मित होगिलाँ।