मर्कूस 9:17,22-24

17 भीड़मेसे एकथो मनैया कहल, "गुरुजी, मै अपन छावाहे अप्निक थेन नानल बतुँ, काकरेकी ओकरमे एकथो भूत्वा लागल बतिस, जे यिहिहे बात बत्वाई नै देथिस। 22 कैयोचो यी भूत्वा यिहिहे आगिम और पानीमे दारके मुवैना कोशिस करल। यदि अप्नि कुछु करे सेक्थी कलेसे, हमारमे दया करी और हम्रिहिन्हे सहयोग करी।" 23 येशू उहिहे कलाँ, "तुँ असिक काकरे कहतो? ‘यदि अप्नि कुछु करे सेक्बी’ विश्वास करुइयनके लग सक्कु चिज सम्भव बा!" 24 तब्बेहेँ उ लौँदक बाबा रुइति कहल, "मै विश्वास करतुँ, मोरिक शंखा महिन्से दूर करदी!"