Romanos 12

6 और हम्रिहिन्हे परमेश्वरके देलक उ अनुग्रह अनुसार हम्रिहिन्हे अलग-अलग वरदान मिलल बा। तबेकमारे जिहिहे अगमवाणीक वरदान मिलल बा कलेसे उहिहे वहे शब्द बोले परत, जोन शब्दमे ऊ विश्वास करत कि परमेश्वर उहिहे कले बतिस। 7 यदि जिहिहे दोसुर जहनके सेवा करना वरदान मिलल बा कलेसे ऊ सेवक काम करे। और यदि किहुहे सिखैना वरदान मिलल बा कलेसे ऊ दोसुर जहनहे सिखैती रहे। 8 और जिहिहे अर्ती देना वरदान मिलल बा कलेसे ऊ अर्ती देना काम कर्ती रहे। और यदि किहुहे दोसुर जहनके जरुरी पूरा करक लग देना क्षमता बा कलेसे ऊ यिहिहे खुशीसे देहे। और यदि किहुहे अगुवाई करना वरदान मिलल बा कलेसे ऊ यिहिहे करना पूरा कोशिस करे। और जे दोसुर जहनहे दया करे चाहत कलेसे ऊ खुशीसे करे।