प्रशासकहुँक्रिहिन्के अधिनमे रना
1 हरेक मनै शासन करुइया अधिकारीनके अधिनमे बैठिँत; काकरेकी सक्कु अधिकार परमेश्वरके थेनसे आइत; और जोन अधिकार बताँ, उ परमेश्वरेके देलक हुइतिन। 2 तबेकमारे जेने असिन मनैनके विरोध करथाँ, जेनके थेन शासन करना अधिकार बतिन, कलेसे ओइने परमेश्वरके देहल नियम कानुनके विरोध करथाँ, और असिके विरोध करुइयन दण्ड भेटैहीँ।
3 काकरेकी यदि केऊ मजा काम करता कलेसे उहिहे शासन करुइयनसे डराई परना जरुरी नै हुइतिस। और मजा काम करता कलेसे उहिहे ओइने सम्मान फेन दिहिस। पर यदि ऊ खराब काम करता कलेसे ते उहिहे डराई परना जरुरी बतिस।