रोमी 14

12 तबेकमारे हम्रे सक्कु जहनहे अपन कर्लक कामके जवाफ परमेश्वरहे देहे परी। 13 तबेकमारे आबसे हम्रे दोसुर जहनहे दोष नै लगाई। और तुहिन्हे निर्णय करे परत कि कौनो फेन तोहाँर विश्वासी भैया तोहाँर कारणसे परमेश्वरहे विश्वास करना ना छोरे।

प्रेमके नियम

14 मै जन्थुँ, और प्रभु येशूकमे महिन्हे पक्का रुपमे पता बा, कि कौनो फेन खाना खैना गलत नै हो। पर जे उ खानाहे अशुद्ध मानत, ओकर लग ते उ खाना अशुद्धै हो।