3 अतरा किल नै हो, पर जब हम्रे समस्यामे रथी, तब फेन हम्रे रमैथी, यी जानके कि जब हम्रिहिन्हे समस्या आइत, तब हमार सहे सेक्ना क्षमता बहरजाइत। 4 काकरेकी हम्रे सहे सेकदर्थी, तबेकमारे परमेश्वर हम्रिहिन्हे स्वीकार करथाँ, ओक्रेहे कारण हमार थेन आशा बा। 5 आशा हम्रिहिन्हे निराश नै कराइत। काकरेकी जोन पवित्र आत्मा परमेश्वर हम्रिहिन्हे देले बताँ, वहे पवित्र आत्मक माध्यमसे ऊ हमार मनहे अपन प्रेमसे भरदेले बताँ।